[size=24]الحب من طرف ثالث[/size]

من طرف soka الأحد فبراير 17, 2008 10:32 pm

اهلا و مرحبا بيكيم اعزائى المستمعين فى حلقة جديدة من برنامجم (يوميات كنتالوب)و حلقتنا النهاردة جامدة جدا و يارب تنال اعجابكم و بمناسبة ان من كام يوم كنا بنحتفل بعيد الحب
happy valentine لكل اللى بيسمعونا على نجوم الكنتالوب مزيكا على كيف كيفك .
و نروح مع فاصل و نسمع اغنية( بحبك وحشتينى).
و نرجع مع حدارتكوا و نكمل و لمدة ساعتين على الهواء مباشرة حلقتنا النهاردة مختلفة جدا عن اى حلقة طبعا كلنا بنسمع عن الحب ان هو اسمى معانى الوجود و الحب فعل و ليس اسما و كل ده نسميه تعريف للحب.
الحب ممكن يكون من طرف واحد و ده عرفينه بنمر بيه فى اوقات و هو يقعد و يحلم بيها و انها بتحبه و انها متعرفش حد غيره و هى اصلا عارفه كل شباب المنطقة .
و صاحبنا هنا واهم نفسه انها بتحبه و انها فتاة احلامه اللى بيختارها من وسط كل البنات و تنتهى قصة اخينا المصدوم انها تتطلع اصلا مش معبراه و لا سائله فيه
و مصدراله الطرشة و هو فاكر نفسة ولد فالنتينو و اوعو وشك اللى مفيش بنت تقف قدامه......
اما الحب اللى كلنا بعترف بيه هو الحب من الطرفين هو بيحبها وهى كمان بتحبه ويفضلوا عايشين قصة حب لمدة 10 سنوات و فى الاخير يسيبوا بعض اصل معرفش يفهما.
اما الحب الغريب اللى هو موضوع حلقتنا النهاردة هو (الحب من طرف تالت)اول مرة اسمع عن هذا الحب ان يكون من طرف تالت وياترى ده بيبقى موقف الشخص اللى بيحب .
و نسمع اغنية وبعد كده نرجع مع حدراتكوا نكمل حلقتنا( عينيا بتحبك)...
و نستقبل اول تليفون فى حلقتنا النهاردة و نقول الوووووووووو
اهلا بيك مين معايا ممكن اتعرف على حدرتك .
happy valentaine
ايوة ان غبريال غبريال
غبريال غبريال
سوكا:: ايوة لا انا سمعت حدرتك انت بتعيد الاسم ليه انا سمعاك كويس اوى
غبو:: لا انا اسمى غبريال
سوكا:: مش مشكلة الاسم اهلا و سهلا بيك فى برنامجنا النهاردة
سوكا:: يا ترى اول رسالى بعتها فى عيد الحب كانت لمين ؟؟
غبو::انا بعتها ليها عشان تعرف انى لسة فاكرها و مش هقدر انساها ابداا.
سوكا:: تقصد (ليها) مش اسمها طبعا دى اكيد طبعا حبيبتك.
غبو:: اكيد طبعا مش هبعت الرسالة لاختها يعنى .
سوكا:: طيب اهدى شوية .
سوكا:: يا ترى ممكن تقولى ازاى كنت طرف تالت فى حبك؟؟؟
غبو::هبتدى معاكى من الاول خالص .
سوكا:: و ماله ابتدى من اى حتة تحبها انجز ..
غبو:: انا كنت اول مرة احب فيها قصدى اعجبت بيها ببنت كنت فى خامسة لبتدائى و كانت معايا فى class...
سوكا:: و يا ترى ايه الاعجاب ده و انت فى سنك الصغير ده طيب ممكن تفتكر يعنى ايه اكتر حاجة شدتك فيها ساعتها!!!
غبو::ايوة طبعا افتكر اصل فى مرة كل اصحابى سابونى و نزلوا الفسحة و انا قعدت لوحدى و بصيت لقتها هى كمان كانت قاعدة معايا . فدخلت البنت دى دماخى اوى و اعجبت بيها من ساعتها فرحت جدا لما لقتها قولت عشان مبقاش قاعد لوحدى و افتكرت انها قاعدة عشانى بس للاسف طلعت كانت قاعدة عشان..... ............ الجزمة بتاعتها كانت ضيقة عليها اوى اوى اوى .
سوكا:: يا سلام ايه الاعجاب ده كله كمل يا استاذ غبريال .
غبو:: اما فى الاعدادية اعجبت بحتة دين بنت انما ايه حكاية سوكا:: كمل يا غبو شوقتنى ان اعرف البنت دى كمل بسرعة.
غبو::انا اعجبت بيها جدا عشان كانت كل ما بتعمل سندوتشات كانت بتعملى معاها فاحترمتها اوى اوى اوى .
غبو:: اما لما كنت فى الثانوية العامة كنت بقى ايه مقولكيش
سوكا:: لا قولى بس باين على حدرتك مبتحبش تضيع وقت من عمرك.
غبو:: حدرتك بتتريقى عليا ولا ايه بس انا مش قادر افتكر مغامرات الثانوية العامة.
سوكا:: لا انا مش بتريق بس عايزة نروح فاصل قبل ما توصل لمرحلة الجامعة .و نسمع اغنية( معجبة مغرمة ) نانسى عجرم.
سوكا::و نرجع مع حدارتكوا ونكمل حلقتنا كمل يا استاذ غبريال احنا وصلنا لمرحلة الجامعة .
غبو:: و حكايتى بتبتدى من هنا.
سوكا:: و لما حكايتك بتبتدى من هنا زهقتنى ليه من الاول و حضانة و خامسة ابتدائى واعدادى انجز فى يومك....
غبو::انا بحب و معجب ببنت بس انا مش عارف اذا هى كمان بتبادلنى نفس الشعور و لا لا بس حصل معايا قبل كده موقف هحكيللك عليه.
سوكا:: ايوة احكى عليه امال انت متصل تغلس فى البرنامج احكى.
غبو::كنت فى يوم فى الجامعة وحصل موقف كده.
سوكا::طيب نستنى لبكرة عقبال ما يجى الموقف بقى.........
غبو:: حضر الموقف موقف جميل اوى احكيلك بقى مرة نسيت كشكول المحاضرات و لسة بقولها ممكن ورقة لقتها بتقولى اتفضل الورقة اهى.
سوكا:: هو ده الحب لما قولتلها هاتى الورقة قصدى قبل ما تقولها راحت هى ادتنى الورقة يا سلام على الحب و سيرته ايه الجمال ده اشجينى و سمعنى.
حب ايه اه اه اللى انت جاى تقول عليه
سوكا:: و معايا مداخلة من ميرو اهلا وسهلا بيكى وطبعا دى صديقة البرنامج
ميرو:: يا ترى الورقة كانت مسطرة و لا صفحة و صفحة.....
سوكا:: طبعا انا بشكر مداخلة ميرو معايا فى حلقتنا ... و ياترى يا استاذ غبريال نويت على انك تصريحها و تقولها بحبك؟؟
غبو:: بجد انا نفسى اقولها بس انا خايف خايف خايف خايف
سوكا::يا ترى الخوف ده ان انت خايف تصريحها ولا ايه انا ابتديت اقلق ممكن تتكلم تقول الخوف ده من ايه؟؟
غبو::لا اصل انا خايف للنور يقطع عليا وانا بخاف اقعد فى الظلمة لوحدى . سوكا:: لا متخفش مش هيقطع وهو ده الموضوع اللى كان شاغل باللك طيب اقفل وكفاية اوى النهاردة.............. انا اتمنى ليك ان النور ميقطعش على اساس ان احنا برنامج شركة الكهرباء ما علينا واتمنى ان اشوفك طرف اول فى هذة العلاقة.
سوكا:: نروح مع فاصل و نسمع اغنية( خايف موت)محمد فواد.
انا بشكركم اعزائى المستمعين وبكده تكون انتهت خلقتنا النهاردة و بنشكر مدلخلة ميرو معانا وانا بهدى اغنية(لما بتلمسنى)حمادة هلال.

من طرف نجاتى الإثنين فبراير 18, 2008 10:17 pm

مش عارف ليه حاسس انه طر ف رابع مش اول ولا تانى ولا تالت

[size=24]الحب من طرف ثالث[/size]

[size=24]الحب من طرف ثالث[/size]

رد: [size=24]الحب من طرف ثالث[/size]