حياة الانسان

ربنا خلق الحمار

.


وقاله " انت هتبقى حمار .... هتشتغل من طلعة الشمس لحد الليل وهتشيل احمال كتييير فوق ظهرك ..... وهتاكل برسيم .... وهتبقى غبي مش عندك مخ ... والناس هيضربوا بيك المثل ف الغباء .... وهتعيش 50 سنة .

الحمار رد وقال " يا رب انا هبقى حمار لكن أعيش 50 سنة كتيير قوي يارب من فضلك اديني بس 20 سنة


ربنا حققله اللي اتمناه

**************************************

ربنا خلق الكلب

وقاله " أنت هتحرس بيت الانسان ... وهتبقى أوفي حيوان ليه ..... هتاكل الفتات اللي بيديهولك ...وهتعيش 30 سنة وهتبقى كلب

قام الكلب قال : " يارب كتير قوي اني اعيش 30 سنة من فضلك اديني 15 بس "


ربنا حققله اللي اتمناه


***********************************



وقاله " انت هتبقى قرد وهتتنطط من شجرة لشجرة وهتسلي الناس وتضحكهم وهتعيش 20 سنة "

القرد رد وقال . " يارب 20 سنة كتير اديني 10 بس "


ربنا حققله اللي اتمناه


***********************************

ربنا خلق الانســـان

وقاله . " انت هتبقى الانسان ... المخلوق الوحيد العاقل على وجه الارض.... هتستعمل مخك وذكائك عشان تسيطر على كل المخلوقات والحيوانات وهتسيطر ع الارض وهتعيش 20 سنة " .

قام الانسان قال : " انا هبقى انسان ... بس عشرين سنة قليل قوي مش كدة ؟؟

اديني ال 30 سنة اللي رفضهم الحمار

وكمان ال 15 اللي رفضهم الكلب

وال 10 اللي رفضهم القرد


ربنا حققله اللي اتمناه

***********************************

ومن يومها يا احباء والانسان عايش

20 سنة كإنسان

بعدين يتجوز

ويقضي 30 سنة زي الحمار يشتغل م الصبح لليل ويشيل الهم على كتفه

ولما ولاده يكبروا يبتدي يعيش 15 سنة زي الكلب ياخد باله من البيت وياكل اي حاجة وخلاص

ولما يكبر يبتدي يعيش 10 سنين زي القرد يتنطط من بيت لبيت.... من بيت ابنه لبيت بنته ويفضل يعمل حركات عشان يسلي احفاده .




وهي دي الحياة