مجرد تساؤل

من طرف بولين الثلاثاء فبراير 19, 2008 6:36 am

قصيدة مجرد تساؤل
للشاعر غبريال غبريال

1- مجرد تساؤل نفسى حد يقولى ليه
اليوم فى بعده بيبقى صعب وقاسى ليه
واما يكون جنبى حبيبى عمرى ليه
بسرعه يعدى حتى مش بحس بيه
2- مجرد تساؤل كلمة بحبك مش قادر أقولها ليه
مع إن حبى كل الناس تشهد عليه
ولا حد يوم يقدر يقدر حبى ليه
وهو مش عارف بحبه قد إيه
3- مجرد تساؤل لما يكون بعيد يا قلبى ليه
تحضر كلام وتقولى بكره هاقوله ليه
ولما يقرب منك يا قلبى قولى ليه
ما تقولش ولا كلمه من اللى اتفقنا عليه
4- مجرد تساؤل نفسى أعرف أنا بالنسباله إيه
وأعرف كمان حاسس بحبى ولا إيه
ولو حاسس يا قلبى مجاش يقولى ليه
ولو مش حاسس قولى بس أنا هاعمل إيه
5- مجرد تساؤل قولى يا قلبى قاعد مستنى إيه
روحلوا بسرعه وقوله كل اللى حاسس بيه
إوصفله حالى واحكيله عاللى انا فيه
وإشرحله منه ومن حبه جرالى إيه

مجرد تساؤل نفسى حد يقولى ليه