مدرس مخه على قده

من طرف soka السبت يونيو 14, 2008 9:10 pm

في أستاذ مدرسة جاتله بعثة في دول أوروبية ، فأخذ مراته وراح , وما في تسع شهور إلا و مراته حامل وجابتله ولد أشقرعيونه ملونة , فاستغرب الاستاذ
وسألها: إيه ده ؟!!
قالتله : أعمل إيه؟!! أنت بتروح المدرسة وأنا بقعد في البلكونة... أوروبي رايح وأوروبي جاي الظاهر إني توحمت على الشكل الأوروبي.
فهز راسه الاستاذ وقلها: إذا كان كده يبقى مفيش مشكلة.
وبعد فترة جاتله بعثة في جنوب افريقيا وبرضه ما في تسع شهور إلا و مراته حامل وجابتله ولد أسود شفايفه كبيرة وشعره أكرت.
إتجنن الاستاذ وقلها: إيه يا ولية ده ؟!!!
قالت له: أعمل إيه؟!! أنت بتروح المدرسة وأنا بقعد في البلكونة... جنوب إفريقي رايح وجنوب إفريقي جاي الظاهر إني توحمت على الشكل بتاعهم ده.
قلها : آه... إذا كان كده يبقى مفيش مشكلة.
وبعد كام سنة رجع البلد على بيت أهله وهناك استقبلته أمه ، واستغربت أوي وقالتله مين دول ؟!!!!
قالها: دول ولادي
قالتله: إزاي ؟!!!
فشرح لها أن مراته مرة اتوحمت على أوروبي ومرة اتوحمت على جنوب إفريقي مرة !!!
فهزت راسها وقالت له : عارف يا ابني أنا حصل معايا نفس الحاجة لما خلفتك.
قالها: معقول يا ماما ولا مرة حكيتيلي الموضوع ده.
قالتله : أيوة...أبوك كان يروح الأرض وأنا أقعد أدام باب الدار ، حمار رايح و حمار جاي وبعدين جبتك إنت!
Razz